មជ្ឈិមបូព៌ា៖ កិច្ចខិតខំប្រឹងប្រែងដើម្បីសម្រេចបានកិច្ចព្រមព្រៀងសន្តិភាពនៅតំបន់ Gaza កំពុងត្រូវបានជំរុញឡើងវិញ បន្ទាប់ពី Jared Kushner បេសកជនរបស់ប្រធានាធិបតីអាមេរិក Donald Trump បានជួបជាមួយមេដឹកនាំ Hamas Khalil al-Hayya នៅទីក្រុង Cairo ប្រទេសអេហ្ស៊ីប។
កិច្ចពិភាក្សានេះមានគោលបំណងជំរុញផែនការដែលគាំទ្រដោយសហរដ្ឋអាមេរិក ដែលរួមមាន ការឈប់បាញ់ ការរំសាយអាវុធរបស់ Hamas ការដកកងទ័ពអ៊ីស្រាអែលចេញពី Gaza និងការបង្កើតរដ្ឋបាលប៉ាឡេស្ទីនបណ្តោះអាសន្ន។
Hamas បានបង្ហាញការគាំទ្រជាគោលការណ៍ចំពោះដំណាក់កាលបន្ទាប់នៃផែនការ ប៉ុន្តែទាមទារឱ្យមានការបញ្ឈប់ការវាយប្រហាររបស់អ៊ីស្រាអែល និងការដកកងទ័ពអ៊ីស្រាអែលជាមុនសិន។
ជាមួយគ្នានេះ អ៊ីស្រាអែលនៅតែមានការប្រឆាំងចំពោះការដកកងទ័ព ប្រសិនបើ Hamas មិនព្រមរំសាយអាវុធទាំងស្រុង។ ដូច្នេះ បញ្ហា ការរំសាយអាវុធ និងការដកកងទ័ព នៅតែជាចំណុចសំខាន់ដែលត្រូវដោះស្រាយ។
កិច្ចពិភាក្សានៅ Cairo ត្រូវបានគេចាត់ទុកថាជាជំហានការទូតដ៏សំខាន់មួយ ប៉ុន្តែការឈានដល់កិច្ចព្រមព្រៀងចុងក្រោយនៅតែប្រឈមនឹងឧបសគ្គជាច្រើន។
ប្រភព៖ Reuters / AP